Uncategorized

​Ш.Мөнгөнтуяа: Ходоодонд хоол гүйцэд шингээгүйгээс болж 404 төрлийн өвчин үүсдэг

Төрийн тусгай алба хаагчдын нэгдсэн эмнэлгийн Уламжлалт анагаах ухааны тасгийн эрхлэгч, дэд хурандаа,тэргүүлэх зэрэг,клиникийн профессор Ш.Мөнгөнтуяатай гэдэс угаах арга,аргачлалын тухай ярилцлаа.-Та эмнэлгээр үйлчлүүлж байгаа хүмүүстээ ямар аргаар гэдэс угаахыг зөвлөдөг вэ?-Астана иогийн аргаар гэдэс цэвэрлэхийг зөвлөдөг.Үндсэндээ давстай ус уугаад хэвлийн амьсгалаар амьсгаагаа зөв зохицуулж цэвэрлэдэг юм.Хамгийн эхлээд 4-5 литр буцалсан бүлээн ус,хоолны давс/жамц давс/-150-250 гр байх ёстой бөгөөд хэт их шорвог биш байдлаар найруулж бэлдэх ёстой. Тэрийг өглөө 06.00 цагаас ууж чадах хэмжээгээрээ уугаад дасгалаа хийж эхэлнэ.Ингээд эхнийхээ дасгалыг хийнэ.Дасгал-1:Уг дасгал нь ходоод гэдэс зайлах үүрэгтэй.Хийхдээ хоёр гараа хөхнийхөө харалдаа алгаараа доош харуулан тавьж түрүүлгээ харж хэвтэн духаа газарт хүргэн гэдсээ төмбийлгөн амьсгалаа авч,амьсгалаа түгжин гарын алгаар тулж,өндийн толгойг дээш өргөн эсрэг талын өсгийг харан амьсгалаа гаргана.Үүнийг хоёр талдаа ээлжлэн хөлийн өсгийг ээлжлэн харах маягаар 8:8 удаа давтаж хийнэ/асгал-2:Ходоодон дахь усыг нарийн гэдэс рүү шахаж оруулж,зайлах үүрэгтэй дасгал.Хөлдөө мөрний хэмжээний зай авч толгой дээрээ гараа салаавчлан амьсгалаа авч түгжин гараа дээш өргөн хэвлийгээр хажуу тийш болон амьсгалаа гаргана.Уг дасгалыг хоёр талдаа ээлжлэх маягаар 8:8 удаа давтаж хийнэ.Дасгал-3:нарийн гэдэснээс бүдүүн гэдэс рүү ус оруулж зайлна. Хөлдөө мөрний хэмжээний зай авч хоёр гараа урагш эгц алдлан гэдсээ төмбийлгөн амьсгал авч түгжин хоёр гарыг хоёр тийш хүчтэй саван амьсгалаа гарна.Үүнийг хоёр талдаа ээлжлэн хөлийн өсгийг ээлжлэн харах маягаар 8.8 удаа давтаж хийнэ.Дасгал-4: Сууж байгаад усыг бүдүүн гэдэснээс доош шахаж гаргах үүрэгтэй дасгал.Үүнийг хийхдээ хоёр гарыг өвдгөн дээр тавин хагас суугаад амьсгалаа авч түгжин толгойгоо тонгойлгон өвдөг рүү шахаж хэвлийгээр хоёр мушгин эргэж амьсгалаа гаргана.Энэхүү дасгалыг хоёр талдаа ээлжлэн хоёр хөлийн өвдөгийг ээлжлэн газар хүргэх маягаар 8:8 удаа давтаж хийнэ. Дасгал дундуур усыг байнга ууж,өтгөн гартал хийнэ.Гэдэс цэвэрлэгдэн өтгөний оронд өнгөгүй цэвэр ус гарч эхэлмэгц давсгүй ус хоёр стаканийг ууна. Ингээд гэдэс угаасан өдөртөө мацаг барих буюу бүр өлдвөл ногооны зутан шөл, шар будааны шүүс зэргийг 200 гр хүртэл хэмжээнд хэрэглэж болно.Энэхүү дасгалууд нь маш энгийн учраас гэрийн нөхцөлд хийхэд хамгийн тохиромжтой гэж үздэг.Гэхдээ гэрийн нөхцөлд дасгал хийж,гэдсээ цэвэрлэхдээ амьсгалаа зөв зохицуулахгүй бол болохгүй.Гэдсээ төмбийлгөн хамраараа гүнзгий амьсгаа авч, гэдсээ татаж, амьсгаагаа гаргана.Хэвлийн амьсгал хийснээр хэвлийн эрхтнүүдийн үйл ажиллагааг цочирдог.-Энэхүү арга хэдхэн зүйлээс бүрдсэн их амархан санагдлаа.Харин хүмүүс гэдэс угаах аппарат болон туулгах эм хэрэглэх байдлаар гэдсээ цэвэрлэдэг.Энэ нь хэр зохимжтой вэ?-Гэдэсний гүрвэлзэх хөдөлгөөн гэдэг чинь ходоодноос гарч ирсэн хоолыг бага багаар шаталсан маягаар шахаж байдаг.Доошоо чиглэсэн үйл ажиллагаа.Гэтэл доороос нь ус шахахаар өгсөх замаар бүдүүн,нарийн гэдэс рүү явахаар хучуур хэсгийг сөргүүлж гүрвэлзэх хөдөлгөөн нэмэгдээд,гэдсэнд байсан агууламж гарч байгаа юм.Гэхдээ амаар орсон шиг бүрэн цэвэрлэж чадахгүй.Тиймээс өмнө дурдсан аргаар гэдсээ цэвэрлэвэл эхлээд амархан,аппарат тоног төхөөрөмж шаардахгүй,хэрэглэж буй бүтээгдэхүүн нь хүний биед сөргөөр нөлөөлөхгүй.Жамц давсыг сонгон хэрэглэхийг зөвлөдөг учир нь ходоодны дотор талын салстыг цэвэрлэх үүрэгтэй байдаг.Мөн давсаар гэдэсний дотор талын салстыг цочроогоод гүрвэлзэх хөдөлгөөнийг нэмэгдүүлэх гэсэн хоёр үүргийг давхар агуулдаг юм.-Ер нь гэдсийг сар,жилд хэчнээн удаа угаах ёстой байдаг юм бэ? -Гэдэс угааж байхад давхар цөс хөөгддөг.Ходоодонд хоол ороход салст цочроод сигнал өгөхөд цөс орсон юмныхаа хэмжээгээр порц порцоор агшиж байдаг юм.Тэгэхээр монголчуудын хувьд наадам,цагаан сараар хүнд хоол идэж,хоёр улирлын зааг буюу хүний бие организм хүйтнээс халуун руу шилжих үед тэнцвэрээ алдаж, дархлаа суларч,ядрах үед биеэ цэвэрлэх хэрэгтэй.Ингэснээр урт насална,архаг өтгөн хаталт эдгэнэ, цөсний чулуу үүсэхгүй,таргалахгүй байх ач холбогдолтой.Манай тасаг нээгдсэнээсээ хойш буюу 10 жилийн өмнөөс эмчилгээ хийлгэж байгаа хүн болгоны гэдсийг цэвэрлэдэг.Ингэхэд тэдгээр хүмүүс 1.5-5 килограмм хасаж байсан байдаг юм.Хүний идсэн зүйлс бүрэн гүйцэд шингэхгүй,биед удаан хугацаанд хуримтлагдаж байсаар байгаа хэвлийн таргалалт үүсгэхээс гадна,цусаар шимэгдэж,завсрын бүтээгдэхүүн ялгаруулдаг учраа хүн бие дотроосоо хорддог гэсэн үг.Ингэснээр бодисын солилцооны алдагдал гэдэг зүйл чинь таргалалт,сахарын өвчин,тулай зэрэг бодисын солилцооны алдагдлаас үүдэлтэй өвчлөлийг үүсгэдэг. Уламжлалт анагаах ухаанаар өвчин үүсгэх хамгийн анхны шалтгаан бол ходоодонд хоол дутуу, буруу шингэснээс болж 404 өвчин үүсдэг гэж үздэг.Эдгээр өвчний 101 нь эмээр, 101 нь заслаар, 101 нь тариагаар,101 нь өөрөө эдгэдэг гэдэг юм.Яаж үүсдэг бэ эгдэг ходоодонд хоол ороод шинэ цус үүсгэх ёстой.Гэтэл буруу шингээд ирэхээр муу цус үүсгэж, шар ус гардаг юм. Шар усны өвчин нь үе мөчний,арьсны өвчин гээд дамжаад явчихдаг.-Ямар хүн гэдсээ угааж болохгүй вэ?-Эсрэг заалттай хүмүүс нь өндөр настай буюу 60-аас дээш насны хүмүүс угаах хэрэггүй.Тэдгээр хүмүүс ээзгийний шүүс ууж болно.Хэт даралт багатай,туранхай хүмүүс угаахгүй.Гэхдээ архаг өтгөн хаталттай хүмүүс жилдээ нэг удаа угаахад буруудах зүйлгүй.Мөн ходоод гэдэсний шархтай,хавдрын өвчтэй хүмүүс угааж болохгүй ээ.Тиймээс хамгийн эхлээд эмчид үзүүлж гэдэс угааж болох эсэхээ тогтоож,амьсгалаа зөв авах аргыг заалгаад сурсныхаа дараа гэртээ хийх хэрэгтэй гэж зөвлөе.

Related Articles

Back to top button
error: Content is protected !!