Uncategorized

Муу дарга ажилчдынхаа бие болон сэтгэл санааны эрүүл мэндэд муугаар нөлөөлдөг болохыг судалгаагаар тогтоожээ (энэ нь тамхи татаж хордсоноос ч долоон дор

Та бүх л хүчээ ажилдаа зориулах нь таны тамирыг барж болох юм. Та ажлаа сууж хийдэг эсвэл маш хөдөлгөөнтэй эсэхээс үл хамааран нойроо гүйцэд авч чаддаггүй зэрэг нь таны биед ул мөрөө үлдээх болно. Олон хүн өөрийнхөө эрхэлж байгаа ажил нь биеийн эрүүл мэндэд нь хэрхэн нөлөөлөх талаар санаа тавьж байдаг боловч харин сэтгэл зүйн эрүүл мэндийн хувьд ямар байдаг бол? Таны ажил дээр, танд болон таны биеийн, сэтгэл санааны ерөнхий байдалд хамгийн их нөлөөлөх хүчин зүйл нь таны өөрийн байдал, үйлдэл биш харин таны дарга байдаг юм байна. Дарга тань таны ажил дээрх стрессийн хамгийн том шалтгаан байж болно. Америкчуудын хувьд ажил дээрх стрессийн 75% нь даргаас болдог гэнэ. Муу дарга нь өөрийн ажилтнаа идэвхгүй тамхи таталт шиг хортой нөлөө үзүүлдэг байна. Таныг түгшүүлж байдаг тийм хүнтэй хэдий чинээ цуг удаан ажиллах тусам таны биеийн болон сэтгэл санааны эрүүл мэнд муудах болно. Америкийн сэтгэл зүйн ассоциац болон Quartz-ын мэдээллээр Америкчуудын 75% нь өөрсдийн ажил дээрх стрессийн гол шалтгааныг дарга гэж үзжээ. Тэгсэн хэдий ч 59% нь ажлаасаа гараагүй байна. Статистикаас харахад ажилтан нар нь ажилдаа дургүй болсон боловч нэгэнт дассан байдаг гэнэ. Энэ нь ажлаасаа гарах тухай бодож, илүү эрүүл орчин бүхий ажил хайж, байр байдлаа сайжруулах тухай бодлыг нь ямар нэг хэмжээгээр саармагжуулдаг ажээ. Тамхинаас ч долоон дор АНУ-ын Стэнфордын Их сургууль болон Харвардын судлаачдын цуглуулсан мэдээлэл, 200 гаруй судалгаанаас харахад ажил дээрх стрессийн хор нөлөө нь бусад хүний тамхи татахад хажууд нь байх буюу идэвхгүй тамхи таталтын хор нөлөөтэй адил хэмжээнд байдаг байна. Ажил дээрх стрессийн үндсэн шалтгаан нь ажлаасаа халагдах айдас. Иймэрхүү айдастай ажилтнууд нь энгийн бусад ажилтныг бодвол эрүүл мэндийн ямарваа нэг асуудалтай болох магадлал нь 50% илүү байна. Илүү хариуцлагатай ажил дээр байгаа, өөрийнхөө чадах хэмжээнээс илүү хэмжээгээр ажилладаг хүмүүсийн эрүүл мэндэд ямарваа нэг бэрхшээл бий болох магадлал 35%-иар нэмэгдэнэ. Муу дарга бол догшин ширүүн, өөртөө эрдсэн, заримдаа бүр харгис хэрцгий байдаг. Тэд “бид тэгж хийдэг байсан”, “өөрийгөө ажилтай байгааг аз гэж бод” гэх юм уу эсвэл “намайг байхгүйд энд эмх замбараа гэж үгүй болох юм” гэх мэтийн үг хэллэг ихээр хэрэглэнэ. Орчин үеийн зах зээлийн байдлаас болж ажлаа орхин бүхнийг шинээр эхэлнэ гэдэг хэцүү. Удалгүй энэ нь дасал болж урам зориг ч мууддаг байна. Ажилтан нартаа урам зориг өгч чаддаг сайн удирдагч байхад тань туслах 5 зөвлөгөө Та даргын хувьд зөвхөн өөрийн төдийгүй хамт олныхоо өмнөөс хариуцлага хүлээнэ. Орчин тойрныхоо ажилтан нарыг урам зоригтой байлгаж, ажиллах таатай нөхцлөөр хангаж, ажлын үр бүтээл өндөр, сэтгэл зүйн хувьд бүгд эрүүл байх нь ихээхэн чухал зүйл. Үлгэр дуурайл болох Ажилдаа дур сонирхолтой байх нь ганцхан танд өөрт тань тус болох төдийгүй таны ажилтан нарт ч сайн нөлөөтэй. Та аливаа зүйлд хэрхэн хандаж байгаагаа, ажлаасаа хэрхэн таашаал авч байгаагаа ажилтан нартаа харуулж бай. Урам зориг, өөдрөг үзлээр дүүрэн байх хэрэгтэй ба бусад нь таныг мөн даган тийм байх болно. Шагнал урамшуулал Хүний урам зориг хугалах зэмлэл зэргийг орхиж харин урамшуулж бай. Тэд үнэхээр сайн ажил хийж байгаа нөхцөлд түүнийг нь харж байгаагаа мэдрүүл. Хүлээж байсан хүлээлтээс тань давбал шагнаж урамшуулснаар хоорондын итгэлцэл бэхжиж, ажилтнаа илүү урам зоригтой болгон цаашид ч үр бүтээлтэй байх нөхцөл бий болгоно. Өөрийн багийнханыг сайн таниж ав Зөвхөн баг төдийгүй хувь хүн болгонтой тулж ажилла. Тэдэнтэйгээ хамтран хувийн чиглэл зорилго бий болгож, дэс дараатай харилцаа бий болго. Тэдний ажил болон ажлын нөхцлийн тухай, хэрхэн ажиллах хүсэлтэй тухай нь сонсож мэд. Ингэж ойр ажиллах нь ажилтнаа илүү сайн таньж мэдэх ба энэ нь багийн ажлын амжилтад сайнаар нөлөөлөх болно. Ажил болон хувийн амьдралын зааг ялгааг барих Ажлын байран дээр сонирхолтой, хөгжилтэй нөхцөл байдал бий болго. Жишээ нь хэн нэг ажилтнаа амралт авахыг зөвшөөрөх ба ажлаас гадна бас өөр цаана нь амьдрал гэж зүйл байдаг гэдгийг ойлгож байна гэх мэтээр ярих. Ил тод бай Ил тод байж шинэ санаа бодлыг байнга дэмжиж бай. Ажилтны дуу хоолой, санаачлага бас чухал гэдгийг ойлгуул. Мөн компани дотор юу болж байгааг ажилтан нар нь мэдэж байхаар мэдээлэл өгч тэдэнтэйгээ ойрхон харилцаж бай. Ингэснээр нэг нэгэндээ илүү итгэж компанитай ч илүү холбоотойгоо мэдрэх бол

Related Articles

Back to top button
error: Content is protected !!