Ядаргаа тайлах ясны шөл, шимт тос гаргах арга

1. Үхрийн булууны ясыг махнаас нь сайтар салгаж бэлтгэнэ.2. Ясаа болвол 5, 5 см хэмжээтэй хөрөөдөж хуваавал сайн. Аль болох жижиг болгож хуваах хэрэгтэй.3. Хуваасан ясаа том саванд хийгээд ясаа далд орох хэмжээний хүйтэн ус хийж 16 цаг ясаа дэвтээнэ.4. 16 цагын дараа гал дээр тавьж буцалгах ба 30 минут орчим буцалгана.5. Шөлөө асгаад саваа угаагаад дахин ясаа далд орох хэмжээний хүйтэн ус шинээр хийнэ.6. Маш зөөлөн гал дээр 16 цаг орчим чанахад үхрийн ясанд агуулагдаж буй бүх эрдэс шим шөлөндөө шингэж тос ялгарна. Хэт өндөр темпратурт эрдэс нь уурших бас шөл ширгэдэг учир бага галаар дөнгөж бөмбөлөг үүсч буцлах хэмжээнд галаа тохируулаарай./9 нэгжтэй плитканы 3 нэгж дээр буцалгахад яг таардаг. 4 нэгжтэй плитка бол 1 нэгж дээр буцалгахад болно/7. Шөлөө хөргүүрт хөргөөд тосон давхаргыг царцааж тусад нь авна.8. Шөлөө шүүлтүүрээр шүүж 1 удаагын цаасан аяганд хөлдөөж хэрэглэх ба цай, хоолондоо 1 аяга шөл хийж хэрэглэнэ.Хаврын цагт хүмүүс их ядарч, сульддаг. Тэгвэл мэдрэлийн ядаргааг хэрхэн ялан дийлэх зөвлөгөөг “www.psychologytoday.com” сайт мэдээллээ.Алхам №1Зөв хооллох. Таны бие сульдаж, тамирдаад байвал мэдрэлийн ядаргаанд орж, бие тань бүхэлдээ зовниж байна гэсэн. Мэдрэлийн ядаргааг тайлах эхний алхам бол ЗӨВ ХООЛОЛТ юм. Та хүсэхгүй байсан ч гэсэн өглөө бүр өглөөний хоолондоо жимс жимсгэнэ идэх хэрэгтэй.Мөн зөв хооллох. Аль болох хүнд хоол хүнснээс татгалзаж, эрүүл хоолыг сонгоорой.
Бага багаар идэж байх. Амин дэмтэй хоол хүнс таны ядаргааг тайлахаас гадна биеийг тань хөнгөрүүлэх болно.Алхам №2Өдөрт 8 цагаас илүү хугацаанд УНТАЖ АМРАХ. Унтахдаа зурагт, гар утас зэргээ бүрэн унтрааж, соронзон долгионоос тархиа хамгаалах. Тархи бүрэн амрахгүй бол мэдрэлийн ядаргаа хэзээ ч таныг орхихгүй.Унтахаасаа өмнө бүлээн усанд ороод унтвал эм хэрэглэхгүйгээр бүтэн нойртой хоноход тань тусална. Нойр маш их чухал унтаж байхдаа дуу чимээгүй орчинг сонгоорой. Мөн нэг арга бол тайвшруулах, ядаргаа тайлах бясалгал хийх явдал.Алхам №3ИДЭВХТЭЙ ХӨДӨЛГӨӨН. Та долоо хоногт 2-3 удаа идэвхтэй хөдөлгөөн хийх хэрэгтэй.
Та хэдий ядаргаанд орж, бие тань хөдлөхөөс дургүй байгаа ч гэсэн өөрийнхөө эрүүл мэндийн төлөө идэвхтэй хөдөлгөөнийг хийгээрэй.Алхам №4 СЭТГЭЛЭЭ ТАЙВШРУУЛАХ. Ажлын ачаалалаас үүдэж мэдрэлийн ядаргаа үүсдэг. Гэхдээ ихэнх тохиолдолд хүн стресс, дарамтаас үүдэж, гутралд орох нь элбэг. Тиймээс та үргэлж сайхан зүйл бодож, стресс, дарамтаас өөрийгөө чөлөөлж сураарай. Хамгийн гол нь ажил, амьдралаа зохицуулж, таны хувьд алт, мөнгөнөөс илүү БИЕЭ хайрлаарай.Эрүүл биед саруул ухаан оршино гэдгийг бүү март.